പ്രവീണ് എ (![[info]](http://p-stat.livejournal.com/img/userinfo.gif){kind=small} pravi) wrote,@ 2007-10-21 21:34:00 |
|
സ്വതന്ത്ര സോഫ്റ്റുവെയറുകളെ പരിചയപ്പെടാം
ജനീവയില് വച്ചു നടന്ന ലോക രാജ്യങ്ങളുടെ (ഇന്ത്യയടക്കമുള്ള മിക്ക രാജ്യങ്ങളും പങ്കെടുത്ത) സമ്മേളനത്തില് വച്ചു് ഒരോ കലാ സാഹിത്യ സൃഷ്ടിയുടേയും ഉപയോഗവും വിതരണവും അടക്കമുള്ള പൂര്ണ്ണാവകാശങ്ങള് ഓരോ സൃഷ്ടിയുടേയും ഉടമസ്ഥനില് നിക്ഷിപ്തമാണെന്നു് എല്ലാ രാജ്യങ്ങളും അംഗീകരിച്ചതു് മുതലാണു് പകര്പ്പാവകാത്തിന്റെ തുടക്കം (അല്ലാതെ ലോകാരംഭം മുതല് ഈ അധികാരങ്ങള് നിലവിലില്ലായിരുന്നു). സോഫ്റ്റുവെയറുകളും പകര്പ്പാവകാശ നിയമത്തില് കീഴിലുള്ള സാഹിത്യ സൃഷ്ടിയായിട്ടാണു് ലോകത്തിലെ എല്ലാ രാജ്യങ്ങളും കണക്കാക്കുന്നതു് (അമേരിക്കയില് മാത്രം സോഫ്റ്റുവെയറിനു് പേറ്റന്റ് നിയമ പ്രകാരം ആശയങ്ങളുടേയും ഉടമസ്ഥാവകാശം ലഭിയ്ക്കാം).
അതു കൊണ്ടു തന്നെ ഏതൊരു സോഫ്റ്റുവെയറും ഉപയോഗിയ്ക്കുകയോ പകര്ത്തുകയോ മാറ്റം വരുത്തുകയോ ചെയ്യണമെങ്കില് അതിന്റെ ഉടമയുടെ അനുവാദം ആവശ്യമാണു്. ഒരു സോഫ്റ്റുവെയറിന്റെ ഉടമ ആ സോഫ്റ്റുവെയറിലുള്ള തന്റെ അവകാശങ്ങള് പൂര്ണ്ണമായും ഉപേക്ഷിയ്ക്കുമ്പോള് ആ സോഫ്റ്റുവെയര് പബ്ലിക് ഡൊമൈനിലാണെന്നു പറയുന്നു. പബ്ലിക് ഡൊമൈനിലുള്ള സോഫ്റ്റുവെയറുകളൊഴികെ മറ്റേതൊരു സോഫ്റ്റുവെയറും ഉപയോഗിയ്ക്കണമെങ്കില് ആ സോഫ്റ്റുവെയറിന്റെ ഉടമസ്ഥനില് നിന്നും അനുമതി പത്രം ലഭിയ്ക്കേണ്ടതായുണ്ടു്.
ഒരു സോഫ്റ്റുവെയറിന്റെ അനുമതി പത്രമാണു് അതൊരു സ്വതന്ത്ര സോഫ്റ്റുവെയറാണോ പ്രൊപ്രൈറ്ററി സോഫ്റ്റുവെയറാണോ എന്നു് നിശ്ചയിയ്ക്കുന്നതു്.
ഒരു സോഫ്റ്റുവെയര് പ്രോഗ്രാം സ്വതന്ത്ര സോഫ്റ്റുവെയറായി കണക്കാക്കപ്പെടണമെങ്കില് താഴെകൊടുത്തിരിയ്ക്കുന്ന നാലു് സ്വാതന്ത്ര്യങ്ങളുണ്ടായിരിയ്ക്കണം.
* ഏതൊരാവശ്യത്തിനും ആ സോഫ്റ്റുവെയര് ഉപയോഗിയ്ക്കാനുള്ള സ്വാതന്ത്ര്യം (സ്വാതന്ത്ര്യം 0)
* ആ സോഫ്റ്റുവെയര് പ്രവര്ത്തിയ്ക്കുന്നതെങ്ങനെയെന്നു് മനസ്സിലാക്കാനും നിങ്ങുടെ ആവശ്യത്തിനനുസരിച്ചു് അതിനെ മാറ്റിയെടുക്കാനുമുള്ള സ്വാതന്ത്ര്യം (സ്വാതന്ത്ര്യം 1). ഇതിനായി സോഫ്റ്റുവെയറിന്റെ സോഴ്സ് കോഡ് (പ്രോഗ്രാമര്മാര്ക്കു് വായിച്ചാല് മനസ്സിലാകുന്ന ഭാഷയിലുള്ള അതിന്റെ സ്രോതസ്സ്) ലഭ്യമായിരിയ്ക്കണം.
* മറ്റുള്ളവരെ സഹായിയ്ക്കാനായി നിങ്ങളുടെ കയ്യിലുള്ള പകര്പ്പു് വിതരണം ചെയ്യാനുള്ള സ്വാതന്ത്ര്യം (സ്വാതന്ത്ര്യം 2)
* ആ സോഫ്റ്റുവെയര് മെച്ചപ്പെടുത്താനും അതു് എല്ലാവരുമായി പങ്കുവെയ്ക്കാനുമുള്ള സ്വാതന്ത്ര്യം (സ്വാതന്ത്ര്യം 3). ഇതിനായി സോഫ്റ്റുവെയറിന്റെ സോഴ്സ് കോഡ് ലഭ്യമായിരിയ്ക്കണം.
കൂടുതലറിയാന് ഈ കണ്ണിയില് നോക്കുക
ഈ നാലു് സ്വാതന്ത്ര്യങ്ങളുമില്ലെങ്കില് അതു് സ്വതന്ത്ര സോഫ്റ്റുവെയറാവുകയില്ല. പ്രൊപ്രൈറ്ററി സോഫ്റ്റുവെയറുകള് പകര്പ്പാവകാശ നിയമം നല്കുന്ന അവകാശങ്ങളേക്കാള് കൂടുതലായി ഉപയോക്താക്കളില് നിയന്ത്രണമേല്പ്പെടുത്താന് ശ്രമിയ്ക്കുന്നു. സ്വതന്ത്ര സോഫ്റ്റുവെയറുകളെക്കുറിച്ചു് ഇനിയുള്ള ദിവസങ്ങളില് കൂടുതലെഴുതാം എന്നു് വിചാരിയ്ക്കുന്നു.
സ്വതന്ത്ര സോഫ്റ്റുവെയറുകള് മലയാളം മാത്രമറിയുന്നവര്ക്കു കൂടി എത്തിയ്ക്കുക എന്നതാണു് സ്വതന്ത്ര മലയാളം കമ്പ്യൂട്ടിങ്ങിന്റെ ലക്ഷ്യം. സ്വതന്ത്ര മലയാളം കമ്പ്യൂട്ടിങ്ങിന്റെ പ്രവര്ത്തനങ്ങളില് പങ്കാളിയാകാന് http://www.smc.org.in എന്ന വിലാസം സന്ദര്ശിയ്ക്കുക.
ജനീവയില് വച്ചു നടന്ന ലോക രാജ്യങ്ങളുടെ (ഇന്ത്യയടക്കമുള്ള മിക്ക രാജ്യങ്ങളും പങ്കെടുത്ത) സമ്മേളനത്തില് വച്ചു് ഒരോ കലാ സാഹിത്യ സൃഷ്ടിയുടേയും ഉപയോഗവും വിതരണവും അടക്കമുള്ള പൂര്ണ്ണാവകാശങ്ങള് ഓരോ സൃഷ്ടിയുടേയും ഉടമസ്ഥനില് നിക്ഷിപ്തമാണെന്നു് എല്ലാ രാജ്യങ്ങളും അംഗീകരിച്ചതു് മുതലാണു് പകര്പ്പാവകാത്തിന്റെ തുടക്കം (അല്ലാതെ ലോകാരംഭം മുതല് ഈ അധികാരങ്ങള് നിലവിലില്ലായിരുന്നു). സോഫ്റ്റുവെയറുകളും പകര്പ്പാവകാശ നിയമത്തില് കീഴിലുള്ള സാഹിത്യ സൃഷ്ടിയായിട്ടാണു് ലോകത്തിലെ എല്ലാ രാജ്യങ്ങളും കണക്കാക്കുന്നതു് (അമേരിക്കയില് മാത്രം സോഫ്റ്റുവെയറിനു് പേറ്റന്റ് നിയമ പ്രകാരം ആശയങ്ങളുടേയും ഉടമസ്ഥാവകാശം ലഭിയ്ക്കാം).
അതു കൊണ്ടു തന്നെ ഏതൊരു സോഫ്റ്റുവെയറും ഉപയോഗിയ്ക്കുകയോ പകര്ത്തുകയോ മാറ്റം വരുത്തുകയോ ചെയ്യണമെങ്കില് അതിന്റെ ഉടമയുടെ അനുവാദം ആവശ്യമാണു്. ഒരു സോഫ്റ്റുവെയറിന്റെ ഉടമ ആ സോഫ്റ്റുവെയറിലുള്ള തന്റെ അവകാശങ്ങള് പൂര്ണ്ണമായും ഉപേക്ഷിയ്ക്കുമ്പോള് ആ സോഫ്റ്റുവെയര് പബ്ലിക് ഡൊമൈനിലാണെന്നു പറയുന്നു. പബ്ലിക് ഡൊമൈനിലുള്ള സോഫ്റ്റുവെയറുകളൊഴികെ മറ്റേതൊരു സോഫ്റ്റുവെയറും ഉപയോഗിയ്ക്കണമെങ്കില് ആ സോഫ്റ്റുവെയറിന്റെ ഉടമസ്ഥനില് നിന്നും അനുമതി പത്രം ലഭിയ്ക്കേണ്ടതായുണ്ടു്.
ഒരു സോഫ്റ്റുവെയറിന്റെ അനുമതി പത്രമാണു് അതൊരു സ്വതന്ത്ര സോഫ്റ്റുവെയറാണോ പ്രൊപ്രൈറ്ററി സോഫ്റ്റുവെയറാണോ എന്നു് നിശ്ചയിയ്ക്കുന്നതു്.
ഒരു സോഫ്റ്റുവെയര് പ്രോഗ്രാം സ്വതന്ത്ര സോഫ്റ്റുവെയറായി കണക്കാക്കപ്പെടണമെങ്കില് താഴെകൊടുത്തിരിയ്ക്കുന്ന നാലു് സ്വാതന്ത്ര്യങ്ങളുണ്ടായിരിയ്ക്കണം.
* ഏതൊരാവശ്യത്തിനും ആ സോഫ്റ്റുവെയര് ഉപയോഗിയ്ക്കാനുള്ള സ്വാതന്ത്ര്യം (സ്വാതന്ത്ര്യം 0)
* ആ സോഫ്റ്റുവെയര് പ്രവര്ത്തിയ്ക്കുന്നതെങ്ങനെയെന്നു് മനസ്സിലാക്കാനും നിങ്ങുടെ ആവശ്യത്തിനനുസരിച്ചു് അതിനെ മാറ്റിയെടുക്കാനുമുള്ള സ്വാതന്ത്ര്യം (സ്വാതന്ത്ര്യം 1). ഇതിനായി സോഫ്റ്റുവെയറിന്റെ സോഴ്സ് കോഡ് (പ്രോഗ്രാമര്മാര്ക്കു് വായിച്ചാല് മനസ്സിലാകുന്ന ഭാഷയിലുള്ള അതിന്റെ സ്രോതസ്സ്) ലഭ്യമായിരിയ്ക്കണം.
* മറ്റുള്ളവരെ സഹായിയ്ക്കാനായി നിങ്ങളുടെ കയ്യിലുള്ള പകര്പ്പു് വിതരണം ചെയ്യാനുള്ള സ്വാതന്ത്ര്യം (സ്വാതന്ത്ര്യം 2)
* ആ സോഫ്റ്റുവെയര് മെച്ചപ്പെടുത്താനും അതു് എല്ലാവരുമായി പങ്കുവെയ്ക്കാനുമുള്ള സ്വാതന്ത്ര്യം (സ്വാതന്ത്ര്യം 3). ഇതിനായി സോഫ്റ്റുവെയറിന്റെ സോഴ്സ് കോഡ് ലഭ്യമായിരിയ്ക്കണം.
കൂടുതലറിയാന് ഈ കണ്ണിയില് നോക്കുക
ഈ നാലു് സ്വാതന്ത്ര്യങ്ങളുമില്ലെങ്കില് അതു് സ്വതന്ത്ര സോഫ്റ്റുവെയറാവുകയില്ല. പ്രൊപ്രൈറ്ററി സോഫ്റ്റുവെയറുകള് പകര്പ്പാവകാശ നിയമം നല്കുന്ന അവകാശങ്ങളേക്കാള് കൂടുതലായി ഉപയോക്താക്കളില് നിയന്ത്രണമേല്പ്പെടുത്താന് ശ്രമിയ്ക്കുന്നു. സ്വതന്ത്ര സോഫ്റ്റുവെയറുകളെക്കുറിച്ചു് ഇനിയുള്ള ദിവസങ്ങളില് കൂടുതലെഴുതാം എന്നു് വിചാരിയ്ക്കുന്നു.
സ്വതന്ത്ര സോഫ്റ്റുവെയറുകള് മലയാളം മാത്രമറിയുന്നവര്ക്കു കൂടി എത്തിയ്ക്കുക എന്നതാണു് സ്വതന്ത്ര മലയാളം കമ്പ്യൂട്ടിങ്ങിന്റെ ലക്ഷ്യം. സ്വതന്ത്ര മലയാളം കമ്പ്യൂട്ടിങ്ങിന്റെ പ്രവര്ത്തനങ്ങളില് പങ്കാളിയാകാന് http://www.smc.org.in എന്ന വിലാസം സന്ദര്ശിയ്ക്കുക.
